| e-texts navigator |
| བོད་ཡིག |
214b1 rlung // gsang ba me rlung 'khor lo la// grub pa gdon mi za ba la// phyag na rdo rje gar ma dang // 'jam dpal dri chab ma yis bskor// 'khor lo bdud rtsi yi ge g.yos// 'di ni phrin las 'khor lo yin// gnas
214b2 pa rtsa yi rang bzhin las// dkyil 'khor spros pa bsgom par bya// grub pa sngags kyi yi ge las// tshom bu spros pa bsgom par bya// lus khams bdud rtsi thig le las// zhal phyag spros pa bsgom par bya// snying po
214b3 rlung gi yan lag las// rnam grangs spros pa bsgom par bya// rnal 'byor blo yi khyad par las// chu las nya ldang ji bzhin du// snying po brjod pas phyag rgyar gsal// cig char lam du bsgom par bya// srid pa
214b4 mngal nas chags tshul du// lo dang zla ba'i smin pa bzhin// rgyu rkyen 'dus pa las byung ba// rim gyis bslabs te bsgom par bya// zhes gsungs so// zhi ba lha rgyud chen po las/ rang rgyud phung po'i zhi ba sems
214b5 can thams cad la gnas pa ste le'u bzhi pa'o// // de nas bcom ldan 'das snang ba mtha' yas kyis gdul bya thams cad zhing dag par gzung ba 'di gsungs so// ji ltar gdul bya sbrul byung nas// de
214b6 da lam du byas pa yi// chos 'di snod ldan kun don du// rdo rje snying po nyid la bshad// sangs rgyas kun tu bzang po nyid// stong gsum zhing khams grangs med par// thub pa'i dkyil 'khor kun spros
iiif viewer powered by OpenSeadragon
Texts on this page
Gpb011.008 - zhi ba lha rgyud chen po