rKTs

e-texts navigator

Page

209a₁ 'das par bstan pa'i rgyud 'di/ ma bslad pa'i yon tan khyad du che bas che ba dang / ma btsal ba'i mthu dpag tu med pa dang / ma bsgrubs pa'i dngos grub shin tu brjod kyis mi langs pa dang /
209a₂ ma gsungs pa'i chos bsam gyis mi khyab pa dang ldan pa'i rgyud 'di ni/ nyan thos dang theg pa dman pa rnams kyis rtogs pa lta ci smos kyi/ ming tsam yang thos par mi 'gyur la/ sangs rgyas thams cad kyis kyang //
209a₃ 'di'i yon tan brjod kyis mi langs pa lags te/ nam mkha' la cha shas su phye zhing bsngo bar rung gi 'di'i yon tan brjod par mi nus so// 'byung ba thams cad ni 'bru'i nyag ma tsam nas bgrang bar nus par
209a₄ zad kyi/ 'di'i yon tan bgrang ba las 'das pa'o// de ci'i slad du zhe na/ bcom ldan 'das 'di'i don ni grangs sam mu mtha' dpag tu med pa'i phyir ro// de lta bas na rgyud 'di yang sus thob pa ston pa nyid
209a₅ do// ston pa nyid kyang rgyud 'di'o// kun tu bzang po yang rgyud 'di'o// 'di yid la dran pas sangs rgyas thams cad kyi thugs kyi ye shes so// gong du bstan pa ltar dkon pa nyid kyi dpe ni/ u dum wa ra dang
209a₆ 'dra'o zhes gsol pa dang / bcom ldan 'das kyis bka' stsal pa dang / rdo rje sems dpa' legs so legs so// rgyud 'di nga kun tu bzang pos dus gsum du dgongs pa nyid yin no// nga'i dgongs pa nyid

_{iiif viewer powered by OpenSeadragon}

208b - 209b

Texts on this page