| e-texts navigator |
| བོད་ཡིག |
198b1 mug nga rgyal phrag dog la sogs pa sems la 'dzin pa thams cad dang / ye shes chen po'i don dang 'byung ba las/ gtong ba gting chad pa las ma byung ste/ de chos nyid ma nor ba'i don mthun par shes pa'i
198b2 sems nyon mongs pa gnas su dag par spyod pa ste/ de la 'di skad ces bshad par bya'o// chags pa chen po'i sems nyid ni// sangs rgyas thugs rje yab dang yum// gnyis su med pa'i don gyis chags// 'di/
198b3 ltar lung dang ldan pa ni// bde ba'i ro las ma gtogs pa// log par gol ba gang yang med// gti mug chen po'i sems nyid ni// chos kyi sku ste tha mi dad// don gyi dmigs pa med pa'i ngang // 'di ltar lung
198b4 dang ldan pa ni// ma skyes pa las ma gtogs pa// mi shes rmongs pa'i gol ba med// zhe sdang chen po'i sems nyid ni// rnam rtog mtshan ma kun 'joms pas// thabs la mkhas pa rol pa'i sku// 'di ltar lung
198b5 dang ldan pa ni// rol pa'i sku las ma gtogs pa// 'khor bar 'khyams pa'i gol ba med// nga rgyal chen po'i sems nyid ni// kun la khyab par dpag pa ste// thabs kyi rgyal po rang byung bas// 'di ltar lung
198b6 dang ldan pa ni// che ba'i sku las ma gtogs pa// nyon mongs khengs pa'i gol ba med// phrag dog chen po'i sems nyid ni// nyon mongs mtshan ma mi shong bas// chos nyid ngang las rnam rtog med// 'di ltar lung
iiif viewer powered by OpenSeadragon
Texts on this page
Gpb011.007 - spyod pa thams cad kyi rgyal po brtson pa don ldan gyi rgyud