| e-texts navigator |
| བོད་ཡིག |
182b1 phrin las yin// 'di dang mi ldan skye bo rnams// ci ltar bltas kyang dogs pa'i lam// don gyi shes pa 'byung bar dkon// 'di ni 'dren pa'i lam mchog tu// rgyal ba nyid kyis snying por gsungs// 'di 'dra
182b2 zhes bstan dka' ba'i phyir// lta ba'i skabs sbyor bzhi pa'o// // da ni bsgrub pa phrin las kyi skabs sbyor 'di yid la zung zhig/ de la sangs rgyas kyi bsgrub pa gang yin pa/ sems can gyi rtsol ba yin la//
182b3 sems can gyi rtsol ba nyid kyang sangs rgyas kyi bsgrub par 'gyur bas/ sku dang phyag rgyar bsgrubs kyang rung / ma bsgrubs kyang rung / bsgrubs pa'i phrin las rdzogs kyang rung / ma rdzogs kyang rung / bsgrubs pa'i
182b4 phrin las kyi skabs sbyor nyid du mdzad pa ste/ de ci'i phyir zhe na/ de ni 'di ltar bsgrub pa sku dang phyag rgyar bsgrubs na/ sku dang phyag rgya la sogs pa thams cad byung yang bdag nyid las byung la/ chos thams cad
182b5 kyang bdag nyid kyis thob par rang la rang chas su yod pas/ bsgrub pa'i gzhung ma nor ba'i phrin las so// bsgrubs pa'i phrin las rdzogs na rig pa'i klong du gyur pa la/ las dang bya ba tshang zhing don dang man
182b6 ngag rdzogs pas bsgrub pa thogs chags med pa'i phrin las so// bsgrubs pa'i phrin las ma rdzogs na/ don gyi man ngag nang nas shar ba la/ gnyis su med cing rtsol ba las ma grub pas/ ma rdzogs su zad
iiif viewer powered by OpenSeadragon
Texts on this page
Gpb011.006 - phrin las thams cad kyi rgyal po skabs sbyor bdus pa'i rgyud