| e-texts navigator |
| བོད་ཡིག |
17b1 'gyur// nam mkha'i dbyings kyi dbus gnas par// sangs rgyas kun gyi dkyil 'khor bsgom// sngags kyi bdag por rab bsgoms na// sangs rgyas kun dang mnyam par 'gyur// rab tu dben pa'i gnas dag
17b2 gam// ri bor chu gling nags 'dabs su// ting 'dzin 'di dag bsgoms na ni// ji ltar 'dod pa'i dngos grub thob// rnal 'byor can gyis zla drug tu// bsgoms na de ni 'grub par 'gyur// glang po'i sha la
17b3 stsogs pa yi// sha lnga dag la byin gyis brlabs// zas phyir 'di dag bza' bya ste// kha zas gzhan la chags mi bya// nam mkha'i dbyings kyi dbus gnas par// rang sngags yi ge'i rnam pa kun// ji bzhin
17b4 bsgoms na'ang 'grub par 'gyur// nam mkha'i dbyings kyi dbus gnas par// rang gi thugs kyi mtshan ma rnams// ji bzhin rnam par bsgoms na yang // 'grub 'gyur 'di la the tshom med// rtse gcig pa yi
17b5 ting 'dzin 'dis// gang 'dod las de byed pas na// cho ga rdzas dang yo byad rnams// tshogs pa yang ni gtsor ma bshad// ma tshogs na yang nges par 'grub// de bas nan tan cher bskyed de// ting 'dzin dkyil
17b6 'khor bsgoms par bya// dper na glang chen smyon pa dag/ gdul thabs lcags kyus 'dul ba ltar// rang sems dmu rgod gdul dka' yang // mnyam gzhag ting 'dzin rtse gcig gis// btul na dngos grub
iiif viewer powered by OpenSeadragon
Texts on this page
Gpb011.001 - de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i rgyud ces bya ba theg pa chen po'i mdo