| e-texts navigator |
| བོད་ཡིག |
174b1 bcom ldan 'das yid byed pa po rang byung gi gnas na bzhugs pa la/ yid kyi sras gnyis su med pas 'di skad ces gsol to// bcom ldan 'das de bzhin gshegs pa thams cad kyi phrin las kyi rgyal po'i
174b2 skabs sbyor bdun pa'i rgyud ces bgyi ba de gang lags/ sku'i phrin las kyi skabs sbyor ba gang lags/ gsung gi phrin las kyi skabs sbyor ba gang lags/ thugs kyi phrin las kyi skabs sbyor ba gang lags/ blta
174b3 ba'i phrin las kyi skabs sbyor ba gang lags/ bsgrub pa'i phrin las kyi skabs sbyor ba gang lags/ spyod pa'i phrin las kyi skabs sbyor ba gang lags/ bcom ldan 'das kyis lung bstan du gsol/ bde bar
174b4 gshegs pas lung bstan du gsol/ bcom ldan 'das kyis bka' stsal pa/ sras mchog dam pa nyon cig/ skabs sbyor bdun pa'i rgyud 'di ni/ phyogs bcu dus gsum gyi bde bar gshegs pa rnams kyis kyang
174b5 gsungs shing bshad la gsungs pa yang mi mnga'/ ngas kyang bshad la bshad pa yang med do// de ci'i phyir zhe na/ rtag pa can gyi mtshan nyid ma yin pa'i phyir te/ des na rigs kyi bu phrin las zhes bya ba yang /
174b6 dmigs su med pa'i man ngag las ma gtogs par/ 'dus byas kyi mtshan ma'i las su bstan pa ma yin te/ de la sku'i phrin las kyi skabs sbyor ba 'di yid la zung zhig/ de la sangs rgyas kyi sku gang yin pa ni
iiif viewer powered by OpenSeadragon
Texts on this page
Gpb011.006 - phrin las thams cad kyi rgyal po skabs sbyor bdus pa'i rgyud