rKTs

e-texts navigator

Page

169a₁ zla ba'i le'u ste drug pa'o// // de nas chos nyid mnyam pa 'dus ma byas pa las ma g.yos par/ hA ha he phaT/ b+hu ru lu kha'i zhes ma brjod pa'i sgras/ yi ge med pa'i hA lnga/ tshig med pa'i sku
169a₂ phyag rgya'i dkyil 'khor gcig kyang ma grub par mang po bsam gyis mi khyab par byung ba dang / yi ge med pa'i hUM lnga/ ming med pa'i he ru ka lnga/ tshig med pa'i sku phyag rgya'i dkyil 'khor gcig kyang ma grub par
169a₃ mang po bsam gyis mi khyab par byung ba dang / yi ge med pa'i hUM lnga/ ming med pa'i kro d+hi shwa rI lnga/ tshig med pa'i sku phyag rgya'i dkyil 'khor gcig kyang ma grub par mang po bsam gyis mi khyab par bsgom pa dang /
169a₄ yi ge med pa'i ha brgyad/ ming med pa'i ke'u ri ma brgyad/ tshig med pa'i sku phyag rgya chen po gcig kyang ma grub par mang po bsam gyis mi khyab par sgom pa dang / yi ge med pa'i he brgyad/ ming med pa'i phra men
169a₅ ma brgyad/ tshig med pa'i sku phyag rgya'i dkyil 'khor gcig kyang ma grub par mang po bsam gyis mi khyab par sgom pa dang / yi ge med pa'i phaT bzhi/ ming med pa'i sgo ma bzhi/ tshig med pa'i sku phyag rgya chen po
169a₆ gcig kyang ma grub par mang po bsam gyis mi khyab par sgom pa dang / yi ge med pa'i b+h+yo nyi shu rtsa brgyad/ ming med pa'i dbang phyug ma nyi shu rtsa brgyad/ tshig med pa'i sku phyag rgya chen po gcig kyang ma grub par mang

_{iiif viewer powered by OpenSeadragon}

168b - 169b

Texts on this page