| e-texts navigator |
| བོད་ཡིག |
15b1 de dag las// yon yang de lta de ltar dbul// dbang mchog thob pa'i bu mchog la// dbang thob rtags dag nges par sbyin// dang por sems kyi gtan tshigs sbyin// gnyis par phyag rgya sgom pa gtad// gsum
15b2 par gsang ba'i nges don bshad// bzhi par chos kyi glegs bam gtad// lnga par las bzhi'i rgya rtags sbyin// drug par rin chen sna bdun nam// rdzas kyi khyad par can dag gam// yang na sna tshogs tshang bar
15b3 sbyin// dbang mchog thob pa'i snga ltas kyi// rmi lam dag kyang 'byung bar nges// rang gi sems la dbang thob dang // sna tshogs 'phrul pa lta bu dang // 'gro gang dbang du 'dus pa dang // rdzu 'phrul dag gis 'gro
15b4 ba dang // sa la mi thogs chur mi bying // nam mkha' dag la bya bzhin 'phur// sems can mang po bsgral ba dang // g.yul ngo dag las rgyal ba dag/ mthong na rdo rje 'dzin pa yi// dbang thob snga ltas yin par
15b5 nges// lus kyi rdzu 'phrul thob pa dang // 'khor lo lag tu babs pa dang // sa bdag rgyal por gyur pa dang // rdo rje bla mar byed pa dang // 'gro ba gzhan la chos ston dang // rnal 'byor tshogs kyi bla ma
15b6 dang // kun gyi kha dpon byed pa la// stsogs pa'i rmi lam mthong ba ni// 'khor lo can gyi dbang thob ltas// rin chen sna tshogs spyod pa dang // kha zas sna tshogs za ba dang // rgyan dang bgo ba khyad par dang // de
iiif viewer powered by OpenSeadragon
Texts on this page
Gpb011.001 - de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i rgyud ces bya ba theg pa chen po'i mdo