| e-texts navigator |
| བོད་ཡིག |
114b1 rgyas thugs ngan sangs// de tshe las chud ma zos na// bdag sems ngal tshi ma chad do// sku ye nas che ba'i le'u ste lnga pa'o// // de nas sku gsung thugs yon tan phrin las ye nas che ba 'di skad ces bka'
114b2 stsal to// kye stong gsum stong gi 'jig rten na// sku yi dkyil 'khor bsam yas kyang // he ru ka ni sku yi mchog/ de yang skal ldan nga yi sku// stong gsum stong gi 'jig rten na// gsung gi sprul pa bsam yas
114b3 kyang // yi ge 'bru brgya gsung gi mchog/ de yang skal ldan nga yi gsung // stong gsum stong gi 'jig rten na// thugs kyi dkyil 'khor bsam yas kyang // ye shes sems dpa'i thugs kyi mchog/ de yang skal
114b4 ldan nga yi thugs// stong gsum stong gi 'jig rten na// yon tan dkyil 'khor bsam yas kyang // rin chen zur brgyad yon tan mchog/ de yang skal ldan nga yi yon tan yin// stong gsum stong gi 'jig rten
114b5 na// phrin las rnam bzhi bsam yas kyang // rnam bzhi'i rta mgo phrin las mchog/ de yang skal ldan nga yi las// gzhan yang sku gsung thugs yon las// de dag kyang ni sems yin te// sku yi dkyil 'khor
114b6 bsam yas kyang // chos nyid byang chub sems la yod// gsung gi dkyil 'khor yang dag pa// chos nyid byang chub sems la yod// thugs kyi dkyil 'khor yang dag pa// chos nyid byang chub sems la
iiif viewer powered by OpenSeadragon
Texts on this page
Gpb011.003 - lta ba thams cad kyi rgyal po / kun tu bzang po che ba rang la gnas pa'i rgyud