| e-texts navigator |
| བོད་ཡིག |
41a1 las ye shes kyi 'od nyi ma 'bum lta bur byung bas gang pa rnams ni rigs pa'i rtsal sbyangs// don gyi che ba byung / sa rnams kun tu g.yos pas spyod pa'i rnal 'byor pa dag ngo mtshar bar gyur te rang
41a2 rang gi ston pa la gsol ba/ 'di lta bu'i ltas ya mtshan can 'di ji ltar bu zhig lags zhes zhus pa las so so'i ston pa dpag tu med pas so so'i 'khor dpag tu med pa la bka' stsal pa/ rigs kyi bu dag
41a3 ltas chen po 'di ni ga la khyab chen po zhes bya ba'i zhing khams na sangs rgyas kun gyi dge ba'i bshes gnyen rdo rje sems dpa' de kho na nyid ces bya ba theg pa chen po gsang sngags kyi de kho na nyid nges pa zhes bya
41a4 ba'i chos ston te/ sangs rgyas de ni the tshom thams cad gcod cing sangs rgyas dang byang chub sems dpa' thams cad nges par sangs rgyas par lung ston pa'i dge ba'i bshes gnyen dam par gyur pas skyes bur
41a5 dam pa lnga gang gsang sngags kyi nges pa ma rnyed pas yongs su mngon par rdzogs pa'i sangs rgyas pas de dag nges pa'i the tshom bcad te lung ston pa de dag gi ltas yin no// zhes ston pa gyur to// lang ka'i bdag
41a6 po de ltar na skyes bu dam pa de dag ni de kho na nyid kyi nyams rnyed ma thag chos kyi rgyal po rgyal tshad skyes bu dam pa zhes bya bar nges par gyur ro// sangs rgyas kun gyi dgongs pa 'dus pa'i mdo chen po las
iiif viewer powered by OpenSeadragon
Texts on this page
Gpb010.001 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyun rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod par zhes bya ba'i mdo