| e-texts navigator |
| བོད་ཡིག |
386b1 ma skyes nas rgas bar du// 'bad de gsang ba'i don btsal yang // gsang ba ma rnyed las de ngan// da yang ji ltar btsal na rnyed// btsal yang rnyed par mi 'gyur na// thugs rje bdag la skyabs mdzod cig/
386b2 ces smras nas nam mkha' stong pa las cho 'phrul gyi sgra 'di skad ces grag go/ bram ze'i bu ni skal ldan khyod// yid dam brtan pa shin tu legs/ khyod ni don gyi skal pa can// phyogs bcu dus bzhi'i sangs
386b3 rgyas kyis// khyod la byin gyis rlob pa mdzod// rang nyid lta ba ma yengs par// bag chags sbyangs pa'i thabs dag la// mkhas shing brtson par bya dgos te// rang gi khrag rnams grangs nas su// dad cing
386b4 gtsang ba tsan+dan chur/ dmigs nas rgyal ba kun mchod na// myur du gsang don rnyed par 'gyur/ zhes par snang las lung bstan pa thos nas rab tu dga' ba'i sems kyis lus kyi rtsa rnams khrag drangs nas
386b5 'phags pa rnams la mchod pa de nyid du gsang ba'i don mthong ste/ rig 'dzin rgyal ba'i sras dam par gyur pa de bzhin shes par bya'o// de nas yang smra ba'i seng ges gsol pa// bcom ldan 'das gsang ba
386b6 mchog gi bdag pos gsang ba'i theg pa 'di'i sgor zhugs shig tshogs kyi dkyil 'khor dam pa mthong ba'i gang zag dam pa de'i 'bras bu ji ltar lags/ lung bstan du gsol/ bde bar gshegs pas lung
iiif viewer powered by OpenSeadragon
Texts on this page
Gpb010.003 - 'phags pa rgyud kyi rgyal po ye shes rngam pa glog gi 'khor lo'i mdo zhes bya ba theg pa chen po'i mdo