| e-texts navigator |
| བོད་ཡིག |
380b1 pa dka' ba'i phyir// bstan par yang ni mi bya bas// gsang ba zhes su rgyal bas gsungs// de nyid sbas pas sbas pa'i don// sbas pa rnam pa gsum yin te// phyi yi sbas pa gsang ba dang // de bzhin nang gi sbas
380b2 pa dang // gnyis kar ma nges sbas pa ste// rmad 'byung sngags kyi spyod pa ste// phyi rol sde pas mthong thos na// de la bzod pa thob min pas// de ni sbas pa phyi zhes bya// lhun grub bde chen zab mo de// ming gi rnal
380b3 'byor phal dag gis// rtogs shing khong du chud par dka'// de ni nang gi sbas pa yin// phyi nang gnyis su tha dad min// bden pa gnyis su dbyer med pa// rgyal ba sangs rgyas spyod yul de// ma nges sbas par
380b4 rgyal bas gsungs// sbas pa'i don rnams gsal 'byin pa// bla ma rdo rje'i thugs la gnas// des na sbas zhes nges par gsungs// thabs dang shes rab zhes bya ba// gnyis su med pa'i byang chub sems// de
380b5 nyid thig le rnam gsum ste// thabs mchog yab kyi mkha' nyid dang // shes rab yum gyi klong nyid dang // gnyis med bde chen dang nyid du// chos kun 'dus shing gcig pa dang // spros med thig ler gnas pa'i
380b6 phyir// thig le zhes su rgyal bas gsungs// mnyam pa nyid kyang rnam gsum ste// don dam dbyings su mnyam pa dang // kun rdzob sgyu mar mnyam pa dang // dbyer med gcig par mnyam pa ste// ma skyes ma grub
iiif viewer powered by OpenSeadragon
Texts on this page
Gpb010.003 - 'phags pa rgyud kyi rgyal po ye shes rngam pa glog gi 'khor lo'i mdo zhes bya ba theg pa chen po'i mdo