| e-texts navigator |
| བོད་ཡིག |
372b1 bskal pa'i mthar yang zug bsam te// gu gul dud pas myos su gzhug/ yungs kar rgyal pos brdeg par bya// de nas gzugs kyi dngos po de// rab tu rno ba'i mtshon cha yis// pho ni rkang pa g.yas nas gtub//
372b2 mo ni rkang pa g.yon nas gtub// rmad du byung ba'i gtor ma dang // bcas te 'bar ba'i lha tshogs la// drag po hom du sbyin sreg bya// nyin mtshan gung la bya bar gsungs// las 'di byas na nges pa yang // lha
372b3 yis bsrungs kyang 'chi bar 'gyur// gal te skam pa'i las byas na// dgug pa de nyid sbyar byas te// de yi ming nas smos nas ni// gzugs de dug gi tsher mas dbug/ dug dang skye che lan tshwa dang // 'bru mar
372b4 tsha bar rab bsres te// tsha ba'i rims kyis gdab pa'i phyir// de yi lus nang gang bar dgang // tshe ma'i me la bskam par bya// mtshan ma mig du bcas pa ste/ kham por ram ni thod par gzhug/ dgra yi sgo gang
372b5 mnan byas na// skam par 'gyur bar gdon mi za// yang na tsha bas btab par 'gyur// gal te gnas nas spo bya na// ting 'dzin ldan pa'i rnal 'byor pas// dgug pa de nyid sbyar byas te// rdo rje mig gi mthong
372b6 ba dang // rlung gi dkyil 'khor steng dag tu// rdo rje rnga mo rab bsams te// de nyid rgyab tu bskyon nas ni// rdo rje khro bo 'bar ba yis// gshin rje'i phyogs su khrid pa dang // gzhan gyis brdeg pa'i thabs su sbyar//
iiif viewer powered by OpenSeadragon
Texts on this page
Gpb010.002 - de bzhin gshegs pa thams cad kyi gsang ba / gsang ba'i mdzod chen po mi zad pa gter gyi sgron ma // brtul zhugs chen po bsgrub pa'i rgyud