| e-texts navigator |
| བོད་ཡིག |
309b1 nam mkha' yi ni mdog 'dra la// ting nge 'dzin du ldan par gnas// de la sogs re mtha' yas mchog/ brjod med rjod du med pa yi// lha yi tshogs kyis gang bar gnas// dkyil 'khor bsam yas lhun gyis
309b2 grub// lha yi tshogs chen de dag gi/ thugs kar ye shes sems dpa' gnas// tshon gang 'od dang bcas pa'o// ljang la rang rtags yi ge rnams// rang rtags phyag rgya'i steng du gsal// de lta'i sku mchog re re
309b3 la// tshul dgu dag dang ldan pa ste/ mnyen dang lcug dang 'khril bag dang / ldem bag chags dang gzhon tshul can// gsal dang 'tsher dang lhun stug dang / gzi brjid 'bar bar rab tu gnas// de ltar rang
309b4 bzhin dkyil 'khor nas// phyi rabs sngags 'chang rnal 'byor pas// spyan drangs mchod pa dbul ba'i 'os// zhes gsungs pas chos thams cad rang bzhin gyi dkyil 'khor du lhun gyis grub bo// de nas smra
309b5 ba'i seng ge la sogs pa'i 'dus pa'i 'khor tshogs rnams rang rang gi bsam pa rangs par gyur te/ a la la zhes bya ba'i sgra phyung nas mgrin gcig tu ched du brjod pa 'di brjod do// a ho dmigs dang mi
309b6 dmigs brtan g.yo chos kun lhun grub dpag mi lang // rang rig yon tan dpag med bsam yas mang po de kun brjod mi lang // gsang sngags rgya mtsho thugs rje bsam yas bsam khyab ji snyed dpag mi lang
iiif viewer powered by OpenSeadragon
Texts on this page
Gpb010.002 - de bzhin gshegs pa thams cad kyi gsang ba / gsang ba'i mdzod chen po mi zad pa gter gyi sgron ma // brtul zhugs chen po bsgrub pa'i rgyud