| e-texts navigator |
| བོད་ཡིག |
287b1 dbyings su thim pa'i 'od zer gsal ba// spros pa med pa'i tshul gyis pho brang gi snying po zlum por gyur pa/ dbyings dang ye shes rgyu dang 'bras bur ldan pa'i 'khor lo rtsibs dang ldan pa/ thams cad mkhyen pa'i
287b2 ye shes rang snang ba'i thabs las byung ba'i mu khyud kyis bskor ba/ bsod nams dang ye shes kyi tshogs thugs rjes rgyas pa'i phyir grub bzhir gsal ba/ rnam par thar pa'i sgo nas 'jug pa'i sgo bzhin rnam par
287b3 thar pa brgyad kyi lam stegs su shar ba/ phyi dang nang med par lhun gyis grub pa'i gzhan yas khang de na nyi ma zla ba rangs pa dang phyed kyis 'od gsal snang ba dang / che ba'i yon tan rnam pa sna tshogs pa'i dril bu
287b4 dang mu tig gi chun mdzes 'phyang ba dang / shar bu'i rgyan dang / bla re dang / gdugs dang / rgyal mtshan la sogs pa'i rgyan gyi khyad par dang / mnyam pa nyid kyi ta la'i ljon shing dang / re ba skong ba'i dpag
287b5 bsam gyi shing dang / yid bzhin gyi nor bu rin po che'i rgyal mtshan dang / 'jig rten pa'i lha dang / lha'i bu mo rnam pa sna tshogs pa'i rol mo dang glu dbyangs kyi tshigs su bcad pas brgyan pa'i gnas khyad par rgyu
287b6 rin po che sna tshogs las grub pa'i gnas de nyid na thabs dang shes rab rang bzhin gyis 'od gsal ba'i nyi zla dang ma chags ma gos pa'i pad+ma dang mi zad pa'i rin po che 'bar ba'i gdan khri dang gzims cha
iiif viewer powered by OpenSeadragon
Texts on this page
Gpb010.002 - de bzhin gshegs pa thams cad kyi gsang ba / gsang ba'i mdzod chen po mi zad pa gter gyi sgron ma // brtul zhugs chen po bsgrub pa'i rgyud