| e-texts navigator |
| བོད་ཡིག |
209a1 dang / gsang ba pa'i bdag pos smras pa/ kye dman pa'i grogs po dag gang rang bzhin ni mi 'gyur ba'o// ma bcos pa ni rnal ma'o// 'di dag ni gsang sngags kyi rang bzhin dang / de la lta ba'i
209a2 rang bzhin dang / de las mi 'da' ba'i rang bzhin dang / de ltar spyod pa'i rang bzhin no// grogs po dag 'di la gsang sngags kyi rang bzhin ni 'di lta ste/ nam mkha' lta bu'i rang bzhin pas// rnam par rtog
209a3 bral gang mi rtog de bzhin sa yi rang bzhin pas// thams cad 'byung ba'i rang bzhin no// me yi rang bzhin lta bus pas// dngos po thams cad med par byed// rlung gi rang bzhin lta bu bas// g.yo rdul mi
209a4 g.yo'i rdul kun sel// chu yi rang bzhin kho na bas// gzhan med de bzhin nyid du 'dus// sman gyi rang bzhin yin pas na// 'khor ba'i gcod rnying rnam par 'byin// 'di ltar 'tsho ba'i rang bzhin pas// 'tsho
209a5 ba dag pa kun gyi gsos// gcod pa'i rang bzhin lta bra bas// sdug bsngal rgya mtsho rnam par gcod// nyi ma lta bu'i rang bzhin pas// mun khang snang stong gsal ba nyid// ri rab lta bu'i rang bzhin pas// cis
209a6 kyang bskyod cing g.yo ba med// rgya mtsho lta bu'i rang bzhin pas// mi g.yo ba las byin brlabs 'byung // de bzhin rtsi yi rang bzhin pas// dug la sman 'gyur ji bzhin no// de la sogs pa mtha' yas mchog/
iiif viewer powered by OpenSeadragon
Texts on this page
Gpb010.001 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyun rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod par zhes bya ba'i mdo