| e-texts navigator |
| བོད་ཡིག |
190a1 ji ltar 'grus pa bzhin// de nyid skad cig de ltar snang // rtag pa mi gnas skad cig ma// mi nub ma chags bde chen sems// sems kyi dbyings las ma gtogs pa// gzhan zhes gang yang med
190a2 pas na// gol sgrib bya ba ga la yod// su zhig gol sgrib don du gnyer/ gang gis gol sgrib ji ltar rnyed// gol sgrib nyid kyang de nyid dbyings// btsal bas de yang de la thug/ gzhan du btsal zhing de las byung //
190a3 bltas pas mthong ba rtog pa med// 'ja' sna mun khung ji bzhin no// de nyid mthong ba'i khyad par las// spyod lam dngos gzhi gang spyad kyang // 'ching bar mi 'gyur 'grol 'gyur thal// thams cad der sbyangs
190a4 lam gnas mchog/ gang nyid don gyi rjes tshol zhing // gol sgrib yongs su gcod 'dod pa'i// mtha' sel rnal 'byor sems dpa' pa// gang la zhen pa'i phyogs bzung ste// dbus mthar lta ba de bzung bas//
190a5 cho ga'i nges blo brtan pa can// de kun rnal 'byor yin mod kyang // yang dag don la rnal mi 'byor// spyod lam rnal du 'byor mod kyi// yang dag don du yang ma 'byor// phyogs su lta la zhen mod kyi// dam pa'i
190a6 don du yang ma zhen// glo bur las ro tshor mod kyi// chos nyid kyi ni ro ma tshor// bdag med phyogs bral zer mod kyi// phyogs su lta dang yang ma bral// brtul zhugs rtog pa choms mod kyi// gzung 'dzin rtog
iiif viewer powered by OpenSeadragon
Texts on this page
Gpb010.001 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyun rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod par zhes bya ba'i mdo