| e-texts navigator |
| བོད་ཡིག |
125a1 blun po de ji snyam du sems/ smras pa/ gsang ba pa'i bdag po de ni 'di ltar 'di ni rdo rje sems dpa' nyid ma yin te/ de'i 'dra ba 'ba' zhig go snyam du rtog pa'o// smras pa lang ka'i bdag po de
125a2 bas na gang dam pa dag gis bltas na mi dmigs pa'i dbyings na rdo rje sems dpa' dang de'i gzugs brnyan gnyis gzhan dang gzhan na so so na gnas pa ma yin no// de ci'i phyir zhe na/ de gnyis kyi rang
125a3 bzhin de kho na nyid de de bzhin yin pa'i phyir ro// de so so ba zhig yin na ni dmigs pas 'bras bu skye bar mi rigs so// lang ka'i bdag pos smras pa/ gsang ba pa'i bdag po de dag la khyad par ma mchis
125a4 sam// smras pa lang ka'i bdag po mi shes pa'i dbang du gzugs brnyan dang des mtshon pa'i don zhes brjod cing snang bar zad kyi// dam pa rnams kyi de kho na nyid brtson par byas na de la ni khyad par cung zad
125a5 kyang med do// smras pa/ gsang ba pa'i bdag po 'o na chos rnams brjod pa dang / mtshon pa dang tha snyad kyis ci zhig bgyi/ smras pa/ lang ka'i bdag po de ni kho bos gang gi dogs pa bsal zin to// smras pa/
125a6 gsang ba pa'i bdag po 'o na gang blo chen po dag bya dka' ba chen pos 'bad cing legs par bskrun te ci zhig bya/ smras pa lang ka'i bdag po de de ltar mod kyi gang mtshan ma la zhen pa dag khrid pa'i phyir dang /
iiif viewer powered by OpenSeadragon
Texts on this page
Gpb010.001 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyun rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod par zhes bya ba'i mdo