| e-texts navigator |
| བོད་ཡིག |
9b1 rtsal med gnas kyi mchog/ rang byung ston pa 'od gsal thugs// 'dzin pa med pa'i nyi ma shar// me shel 'od ltar byin rlabs 'khrigs// 'od gsal rig pa'i bstan pa sgrogs// rang byung rkyen bral gnas kyi
9b2 mchog/ rang byung bde chen ye shes rol pa'i sku// yi ge brda bral ye shes rig pa'i gsung // tshig gi lam chad ye shes sgron ma 'bar// len med 'dzin med bde mchog gsang ba'i lam// brda yi 'jug pas
9b3 gsang ba'i don mi gsal// ming dang don med rang byung ye shes gsal// rig pa thig le gsal ba gsungs// brjod med ye shes 'khor lo bdag/ tha snyad kun bral brjod bya bdag/ bdag med rang byung ye
9b4 shes nyid// rig pa'i 'khor lo dag la 'char// bde chen 'od 'bar thig le'i mtha'// rang byung gzer chen rang la 'debs// rang byung 'khor lo rang la gcod// rig pa'i phyag rgya 'gyur ba med// ces
9b5 gsungs so// byang chub kyi sems rin chen 'khor lo las/ phun sum tshogs pa'i de kho na nyid bstan pa'i le'u ste drug pa'o// // de nas rig pa'i rgyal pos btsal ba med pa'i chos dang chos can mi dmigs
9b6 pa 'di bka' stsal to// btsal med rang bzhin ye sangs rgyas// rnam dag rang byung snying po la// thams cad ye shes snying por gsal// ye shes 'khor lo snang ba med// ye shes rin chen rtsol dang bral// rang byung
iiif viewer powered by OpenSeadragon
Texts on this page
Gpb009.001 - byang chub kyi sems rin chen 'khor lo zhes bya ba'i rgyud