| e-texts navigator |
| བོད་ཡིག |
88b1 gtan la phab pa la/ phyin ci log tu rtogs pa de la phrag dog pa dang / chos thams cad bde bar gshegs pa yin pa las de ltar ma rtogs pa la phrag dog pa dang / che ba'i lam yin pa la rnam par thar pa ma
88b2 mthong ba la phrag dog pa'o// chos chen po rmad du byung ba las/ byang chub sems dpas thar pa'i lam bstan pa'i le'u ste bdun pa'o// // rdo rje sems dpa' chen po khyod// yang dag sangs rgyas lam rig
88b3 pa// nam mkha' lta bur skye ba med// rnam dag phung po lnga bde ba// sna tshogs nges par khyod las byung // khyod las ma byung gcig kyang med// sna tshogs 'byung ba kun gyi rgyu// sangs rgyas kun gyi sprul pa'i
88b4 sgra// sangs rgyas byang chub bla na med// rnam par dag pa bdag med chos// yang dag ye shes thams cad lam// skye med chos te sna tshogs don// 'byung ba rnams pas khyod sngar byung // don gcig gnyis med chos
88b5 kyi don// dam pa'i don te 'jig pa med// khyod las byung ba yi ge med// gsang sngags don du bskyed rnams la// rnam pa kun ldan rnam pa med// yan lag med pa'i rtsis las 'das// sangs rgyas kun gyis
88b6 rtogs bya ba// thams cad sangs rgyas nyid kyis mdzad// sangs rgyas byang chub bla na med// rang gi longs spyod rang las sprul// rang las sprul pa'i sku rnams la// rang gis longs spyod ci yang mdzad// sprul pa
iiif viewer powered by OpenSeadragon
Texts on this page
Gpb009.007 - rdzogs pa chen po dpal gyi dpal chos chen po rmad du byung ba