| e-texts navigator |
| བོད་ཡིག |
49a1 no// thams cad chos kyi sku dang rang byung ye shes 'ba' zhig la ma dag pa'i sgo btsal du gang nas kyang mi rnyed pa'o// zag pa med pa'i bde ba chen po'i ro yang kun la sems nyid du yod
49a2 pa'o// myang ba dang ma myangs pa'i khyad par kyang sems nyid rang rig gis phye ba'o// 'khor ba dang sdug bsngal yin par shes pas mi len mi spang ba'o// de nyid bkrus pas kyang mi 'dag la spangs kyang mi spong ste/
49a3 nam mkha' nyid do// rtse gcig sangs rgyas kyis phun sum tshogs pa yang dbye ba med pa'i sa 'di nyid do// sems nyid kyi cha lugs ni cir yang ston cing cha lugs thams cad pa ste sna tshogs nor bu rin po che lta
49a4 bu'o// sems can thams cad kyi sems nyid kho na sangs rgyas kyi thugs dang dbyer med do// de nyid gnas gang du'ang gnas pa la chags gang du'ang ma chags pa'o// dbyibs dang kha dog gang du yang mi gnas
49a5 shing cir yang ston pa ni nor bu chu dngas dngos lta bu ste/ rin po che nyid ltar snang yang rin po che kho na ste// sems nyid gang du shar yang gcig po kho na kun 'char ba'o// e ma ho bde ba chen po/ shar nub med
49a6 pa'i nyi ma la// rang byung ye shes 'od du 'bar// rang 'od rang la bsgrib ste mchi'o// dag par ltos shig bde ba che// mthong ba med na rnam par grol// mthong rgyu byung na ya mtshan che// mthong med mthong na mthong
iiif viewer powered by OpenSeadragon
Texts on this page
Gpb009.003 - rin po che 'khor lo brtsegs pa'i rgyud