| e-texts navigator |
| བོད་ཡིག |
392b1 snyoms par zhugs nas 'di skad ces gsungs so// chos nyid nam mkhar rtogs gyur na// sbyor sgrol mang po ci byas kyang // chags sdang drang ba'i thabs yin te// rdul cha tsam yang snang ba med// ces gsungs
392b2 so// de nas sangs rgyas thams cad btsun mo'i tshogs thams cad la dgyes pa'i rol pa la zhugs par gyur te// mi dmigs pa'i bde ba la ci yang mi g.yo bar gyur to// de nas byang chub sems kyi char chen po
392b3 pad+ma'i snying po rgyun mi 'chad par 'bab par gyur to// 'khor ba thams cad ni rgyal ba'i sras por bskyed// rgyal ba 'gog pa ni byang chub sems kyi brlan par mdzad cing srid pa'i myu gu mngon par bskyed// rmad
392b4 du byung ba'i mchod pa'i yo byad ni bsam gyis mi khyab pa'i ling long phyed par byung ngo // rig 'dzin gyi sems dpa' thams cad ni/ shes bya'i sgrib pa sbyangs nas chos kyi sku'i nang du brlan par gyur to// de nas
392b5 sems dpa'i rdo rje des 'gro ba thams cad la dbang bskur ba zhes bya ba'i ting nge 'dzin la snyoms par zhugs so// dpag tu med pa'i rgyal ba rnams// 'khor ba'i sems can rgyu las byung // 'khor ba'i sems
392b6 can rgyun chad na// sangs rgyas rgyun yang 'chad par 'gyur// 'khor ba chos nyid rang bzhin du// shes nas smra bar gang byed pa// rig pa'i ye shes rang dbang de// chos kyi rgyal po rgyal ba'i sras// zhes gsungs
iiif viewer powered by OpenSeadragon
Texts on this page
Gpb009.019 - de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo