| e-texts navigator |
| བོད་ཡིག |
380a1 'khor bsam pa rangs par gyur to// rgyud kyi rgyal po rdo rje bkod pa kun 'dus rig pa'i mdo las skong ba las bsgrub lugs kyi le'u ste brgyad pa'o// // de nas bcom ldan 'das gsang ba
380a2 mchog nyid ting nge 'dzin rgyas shing rnam par 'phrul ba zhes bya ba'i ting nge 'dzin la snyoms par zhugs so// sems dpa' rdo rje'i snying po yang ting nge 'dzin rnam par 'phrul pa zhes bya ba la snyoms par zhugs
380a3 so// 'dus pa'i 'khor rnams kyang sna tshogs 'phrul pa zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor gyis chos thams cad ci yang med par mthong ngo // chos thams
380a4 cad ci yang med par gsal bar gyur pa dang / chos nyid stong pa'i nam mkha' las brag ca'i tshul du sgra 'di byung ngo // mi gnas mi rtog bsam dang bral// ma chags chags bral yul las 'das// ci yang mi
380a5 'byung cir ma yin// rang byung rang zhi brjod dang bral// zhes sgra byung bas ston pa ni don gyi che ba phung // 'khor rnams ni rtsal sbyangs/ thams cad don la ngam zhing chos nyid kyi nam mkha' mthong ngo // de nas
380a6 bcom ldan 'das gsang ba mchog gi bdag po nyid snying rje rgyun gyi ting nge 'dzin zhes bya ba la snyoms par zhugs so// de nas chos nyid kyi nam mkha' la snying rje byang chub sems kyi gzugs brnyan nyi ma'i dkyil
iiif viewer powered by OpenSeadragon
Texts on this page
Gpb009.019 - de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo