| e-texts navigator |
| བོད་ཡིག |
368b1 rtags chen po bco brgyad dang // dur khrod kyi longs spyod sna tshogs pa bstan pas zhal 'dzum pa'i mdangs kyis gzigs pa las sems dpa' rdo rje des mkhyen te// bka' gsang dbang chen 'dis don du ni
368b2 bshad/ tshig tu bsgrags par rig nas 'dus pa'i tshogs la shin tu ldem dgongs kyi tshig tu smras pa// bka' gsang rmad byung chen po 'di sbas pas zab cing rtogs dka' ba// mtshon pas don 'byin mi shes
368b3 pas// nyon mongs rang dga' spyod snyam pa'i// shin tu byis pa'i blo zhan pa'i// nges pa'i shes rab mig ldongs te// don gyi rtsal shugs chung ba yis// dga' bde'i longs spyod bskrun snyam nas// mtshan ma rang
368b4 dgar spyad bsgrubs kyang // rang bzhin 'grub par mi 'gyur te// rgyud phung 'bras bu tshig gyur nas// myu gu brlag ste ga la 'byung // gtan tshig de bas 'di don dag/ rtsal zhan dag la bstan min
368b5 zhes// gsang bdag rgyal po kun gsung na// ci khyod rnams kyis mi shes sam// zhes rnam par smras pa las// 'dus pa'i tshogs kyis slar gsol pa// e ma'o sems dpa' chen po de lta bu'i rgyu tshig chen po dag
368b6 'khor gyi dkyil 'khor gyi nang dam pa 'dir gsung ngam/ 'on te mi spyod dam cang ma lags grang / ci blang dor mdzad dam/ e ma snod du ma gyur pa ni gang mchis/ thams cad byang chub kyi snying po can lags
iiif viewer powered by OpenSeadragon
Texts on this page
Gpb009.019 - de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo