| e-texts navigator |
| བོད་ཡིག |
291a1 bar bstan pa'i le'u ste drug cu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// rgyud 'di gang las byung zhing gang la gtad pa dang // rjes su
291a2 yi rang yongs su rdzogs pa gang // ston pa'i ston pa kun tu bzang po des// sdud pa'i gsang dbang rdo rje sems dpa' la// gzhi 'gag med pa'i snying po de nyid las// chos rnams thams cad rang byung rang shar
291a3 bas// de las byung zhing de la spyod pa las// byung ba ma rtogs shar ba mthong ba yis// theg pa rnam pa bsam gyis mi khyab pas// byung dang byung nas gnas pa'i theg pa 'di// kun tu bzang po'i dgongs pa de
291a4 bzhin bstan// ji ltar byung zhing shar bar snang ba 'di// rdo rje sems dpa' nyid la ngas bstan to// sems dpa' che zhes snang ba'i theg pa 'di// kun la yod de rang gsang thabs kyis chod// chod pa'i mun pas
291a5 ye shes rang 'od gsal/ rdo rje sems dpa' nga nyid kyis// ji bzhin pa yi dgongs pa de// sangs rgyas kun la ngas bstan to// de nas 'khor rnams yi rang nas// rnam par snang mdzad rdo rje sems// rin chen
291a6 rigs dang pad+ma'i rigs// las kyi rigs mchog la sogs pa// rjes su yi rang thal sbyar nas// thams cad rgyun mi chad pa ru// dus gsum dag tu chos kyi 'khor lo bskor// byang chub sems dpa' la sogs
iiif viewer powered by OpenSeadragon
Texts on this page
Gpb009.018 - rin po che rgyas pa chen po'i rgyud