| e-texts navigator |
| བོད་ཡིག |
277a1 sdug bsngal rang nyid snang ba las// mthong stangs so so dag gi yul yin pas// rang rang bag chags so so'i ris su grub// med kyang snang bas 'khrul pa'i snang ba ni// log rtogs 'khrul pas
277a2 chos nyid gsal ba min// chos sku'i rtsal nyid snang ba las// so so'i rigs kyi snang ba byung ba yin// rig pa mi rig rig par shar ba las// gang zag rigs rnams so sor byung ba yin// dper na gzhi gcig
277a3 dag las snang tshul tha dad pa// chu yi rang bzhin ngo bo gcig pa las// dmyal bas me mar me yi phung por mthong // yi dwags rnag khrag dag tu mthong ba yin// byol song dag gis gnas su mthong ba dang // mi
277a4 yis chur mthong lha yis bdud rtsir mthong // gcig las med de tha dad snang ba yin// chos nyid ma mthong rtsal nyid mthong ba yin// bag chags dbang gis tha dad 'byung ba'o// rin po che rgyas pa chen po'i rgyud
277a5 las/ rigs drug bag chags snang ba bstan pa'i le'u ste bzhi bcu pa'o// // sdud pa'i gsang dbang rdo rje sems dpa' des// ston pa'i ston pa kun tu bzang po la// srid pa bar do'i 'khrul pa'i mthong
277a6 stangs dang // ngo bo snang tshul ji ltar snang ba lags// ston pa'i ston pa kun tu bzang po des// sdud pa'i gsang dbang rdo rje sems dpa' la// chos sku rang gi byin rlabs rtsal lngar shar ba las// rig pa rkyang pa
iiif viewer powered by OpenSeadragon
Texts on this page
Gpb009.018 - rin po che rgyas pa chen po'i rgyud