| e-texts navigator |
| བོད་ཡིག |
271a1 mthun rigs mthun 'dra ba 'dus pa yis// sems tsam 'khrul pa dag gi 'dra gzhi byas// phyi dang nang du snang ba thams cad kun// sems nyid dag gi snang ba yin pa las// sems las ma
271a2 gtogs gang yang yod ma yin// sems de'i ngo bo rang rig rang gsal ba// rgyu 'bras dag las grol bar rtogs// gsal ba nyams su myang ba las// gsal byed gzhan la ma ltos pas// bem po dag las
271a3 log pa de// sems las byung ba'i rnam pa kun// sems nyid ji bzhin bden pas na// rnam pa kun yang bden pa yin// sems dang rnam par snang ba yang // bdag nyid gcig pas 'brel pa yang // sems nyid
271a4 ji ltar snang ba de'i// rnam pa yang ni de kho na// rnam pa sna tshogs snang bas na// sems de yang ni sna tshogs snang // sems las byung ba'i rnam pa ni// sems nyid bden pas rnam mi bden// sems nyid dang
271a5 gsal nyams su myong // rnam par snang ba 'di dag kun// dngos su yod pa ma yin te// med pa de nyid snang ba yin// dper na skra zla la sogs med mthong bzhin// phyi nang thams cad sems su rtogs// de
271a6 rtogs pa ni blta ba yin// de bsgom pa ni sgom pa yin// de spyod pa ni spyod pa yin// byang chub sems dpa' rgyun gyi 'bras bu chen po 'thob pa'o// rin po che rgyas pa chen po'i rgyud las/ sems tsam blta ba
iiif viewer powered by OpenSeadragon
Texts on this page
Gpb009.018 - rin po che rgyas pa chen po'i rgyud