| e-texts navigator |
| བོད་ཡིག |
250a1 ngo bo yin pa'o// de rtogs dri ma med pa ye shes snying po yin// sku dang ye shes dag gi tshad nyid ni// ji bzhin gnas pa ma bcos pas// rtsol bsgrub kun dang bral ba sku yi tshad// rang byung ye shes
250a2 rig pa ma g.yos pa// snang la rang bzhin med pa ye shes tshad// sku dang ye shes dag gi khyab tshul ni// stong gsum stong gi mi mjed 'jig rten khams// rgyal ba'i zhing khams du ma thams cad dang // khams
250a3 gsum rigs drug bag chags so so las// sems can rgyud kyis bsdus pa thams cad kun// sku dang ye shes dag las byung bas na// de las ma gtogs dngos po gang yang med// des na sku dang ye shes dag
250a4 gis kun la khyab// 'dus ma byas kyi nam mkha' chen po de// kun la khyab cing kun la gnas pas na// sku dang ye shes dag kyang de bzhin mtshungs// sku dang ye shes dag gi snang tshul ni// sku ni rig med ngo bo
250a5 spros dang bral// de las byung ba sku yi snang tshul ni// zhi 'gag med pa snying po stong par snang // 'byung ba sku yi snang tshul ni// yod dang med pa'i mtha' rnams mi dmigs te// rig med stong pa'i tshul du snang ba
250a6 yin// byung nas gnas pa sku yi snang tshul ni// thams cad byang chub sems las byung ba'i snang ba ste// de las ma gtogs dngos po gang yang med// dngos po 'khor bar snang ba dang // mtshan ma theg pa'i khyad
iiif viewer powered by OpenSeadragon
Texts on this page
Gpb009.018 - rin po che rgyas pa chen po'i rgyud