| e-texts navigator |
| བོད་ཡིག |
219a1 byang chub kyi snying po la gnas pa'i tshe/ byang chub kyi chos la byang chub tu bsgrub tu mi gnas so// de bzhin gshegs pa rnams kyi ye shes la// sems can gyi chos med de mi gnas so// a ti yo ga
219a2 rdzogs pa chen po bya btsal las 'das pa la/ bzang ngan dang che chung med de mi gnas so// lung las 'das pa'i chos/ sems las 'das pa'i sangs rgyas// kun gzhi las 'das pa'i chos// ma bsgoms par
219a3 sangs rgyas pa'i blta ba/ chos spyod bcu dang mtshams med pa lnga'i spyod pa la khyad par med pa// ma mnyan par bshad shes pa'i rgyud// 'di ni sangs rgyas kyi rgyud// gsang ba man ngag yang dag par shes par
219a4 bya'o// zhes thugs kyi rgyud dam pa las/ bya btsal thams cad las 'das par bstan pa'i le'u ste bzhi pa'o// // de nas bcom ldan rdo rje 'chang // sangs rgyas chos la mi gnas te// sems can rnams ni
219a5 blta ba yin// mtshon pa'i byang chub chos yin kyang // rdzogs pa'i blta ba chos ma yin// thog ma'i mgon po dri med kyang // chos la brten pa ma yin te// ma bskyod dbyings nas rang 'byung ba'o// de phyir chos
219a6 kyis sangs mi rgya// chos ni tshig phyir 'brengs shing tshig la dga'// rang byung ye shes nyid ni tshig gi mtha' dang bral// rig pa'i ye shes chos la brten ma yin// de phyir yang dag don la tshig med yi ge/
iiif viewer powered by OpenSeadragon
Texts on this page
Gpb009.016 - thugs kyi rgyud rin po che spungs pa'i rgyan