| e-texts navigator |
| བོད་ཡིག |
182a1 rdzogs thig le la// rang bzhin gnas pas rim pa med// snying po rig pa don gyi rgyud// de rgyud theg pa'i yang snying 'di// ye shes phyag rgya rdzogs pa'i mchog/ mi 'da' de nyid kho na'i don// 'du
182a2 shes sbyor ba ma lus zad// rgyu med sems la rkyen bral bas// skye 'jig 'gyur ba ga la yod// ye nas zin pas bya ba med// lhun gyis rdzogs pas bsam pa med// rang la rdzogs pas bsgrub tu
182a3 med// dmigs med don la bsgom du med// dus gcig rdzogs pas bgrod du med// ye shes rig pa'i phyag rgya la// rnam grol 'bras bu kun rdzogs ldan// gsang ba rang byung rig pa'i sgra// brjod pa ma yin
182a4 don gyis shes// 'di ltar gcig tu gnas pa la// tha dad mthong ba 'khrul pa'i lam// snying po sems nyid rdzogs pa la// dran dang dbang po yid byed med// lus dang ngag sems rtsal gnas med// ci bder
182a5 gnas pa dgag bsgrub med// ces gsungs so// snying po rnal ma don gyi rgyud las gleng gzhi'i le'u ste dang po'o// // de nas yang bcom ldan 'das de bzhin gshegs pa rtsol med rig pa'i rgyal pos/ ldan
182a6 gyis grub pa'i ting nge 'dzin la snyoms par zhugs nas 'di skad ces gsungs so// ma btsal lhun grub ma bcos chos kyi dbyings// ma rtsol ma byas ye nas ji bzhin nyid// rang byung gsang ba'i dbyings 'di
iiif viewer powered by OpenSeadragon
Texts on this page
Gpb009.012a - rdo rje sems dpa' nam mkha' che gsang ba'i snying po rnal ma don gyi rgyud