| e-texts navigator |
| བོད་ཡིག |
155b1 'dir 'grub pa gdon mi za bar rtogs// ma rig bdag tu bzung nas blta nyes pas// sangs rgyas sems can 'byed pa srid pa'i rtsa// don dam skye med dngos po med bden pas// bsgom du med par 'jog pa
155b2 dam pa nyid// yang dag ma nor gdeng chen ldan pas gang // blo yi gting du shin tu ngoms byas nas// btsal mi dgos pa'i nor bu rin po che// dge sdig gnyis kyi 'bras bu so sor smin// theg dman gnyis
155b3 ka'i rgyu la bzhugs yod phyir// zhe sdang la sogs ngan song rgyu nyid da lta dag pa'i phyir// tshe 'di'i 'bras bu thob pa de nyid mod// dus gsum rgyal ba'i gsang chen nges pa'i dbang // byin nam bstan nam mthong
155b4 bar ma byas na// rdo rje rgyal po yon tan dbang med pas// nor bu rgyal sar bskos pa ji bzhin du// dbang bskur byas pas bdag gzhan brlag par 'gyur// bkra shis pa rig pa'i khu byug las/ mdor bsdus
155b5 pa mdo sde'i dgongs pa dang zhus pa'i lan dang bcas pa'i le'u ste gnyis pa'o// // de nas bcom ldan 'das dpal kun tu bzang pos/ btsal ba med pa'i ting nge 'dzin la snyoms par zhugs nas/ ched du
155b6 brjod pa 'di brjod do// rdo rje'i sems ni gsung bgrod sbyang ba ma lus de dbang bsgyur// rdo rje 'du 'bral med de bde ba la gnas rdo rje'i dbang // rdo rje de ni skye dang 'gag pa med de yangs shing zab// de phyir
iiif viewer powered by OpenSeadragon
Texts on this page
Gpb009.011 - bkra shis pa'i dpal rig pa'i khu byug