| e-texts navigator |
| བོད་ཡིག |
141b1 blta ba med pa de la lta ba gnas// spyod med ting 'dzin med pa'ang de bzhin no// bsgom pa'i don ma rnyed pa'i drang srong rnams// bsgom chags nad dang bral ba dgongs pa'i klung // mi 'gyur zha nye'i gzod
141b2 brdab bzhin du gnas// rmad byung byang chub sems kyi rang bzhin 'di// drang srong rgyal ba rnams kyi dgongs pa mchog/ dus gsum rdzogs sangs rgyas la 'di lhag med/ byang chub kyi sems rmad du byung ba'i rgyud
141b3 las/ lung gi dpes mtshon pa dang lta spyod ting nge 'dzin bstan pa'i le'u ste bzhi pa'o// // de nas rdo rje 'dzin pa chen pos/ bcom ldan 'das dpal kun tu bzang po la phyag btsal te/ shin tu 'dzum pa'i
141b4 mdangs dang bcas pas spyan gdangs nas/ bcom ldan 'das skye ba dang 'chi ba nyid ji lta bu lags/ chos rnam pa du bshad/ chos zhes bgyi ba ji ltar lags/ bka' stsal du gsol de skad ces gsol pa dang /
141b5 yangs pa chen po bcom ldan 'das kyis bka' stsal pa/ skye shi za dad ma yin gzhung gcig ste// 'khor ba med par mya ngan yongs mi 'da'// mya ngan 'das dang 'khor ba tha mi dad// de bzhin skye shi gnyis ni
141b6 ming nyid tha dad kyang // rang bzhin gcig las ming btags tha dad snang // de bzhin snying po sgo phug mi 'byed pa// theg pa rnam rtog grangs su tha dad kyang // rang bzhin nyid las ma nyams rang bzhin nyid// skye
iiif viewer powered by OpenSeadragon
Texts on this page
Gpb009.010 - byang chub kyi sems rmad du byung ba'i rgyud