| e-texts navigator |
| བོད་ཡིག |
131b1 tshul bstan pa'o// dbyings dang ye shes su gsal bas/ sku'i dngos po dang bral bas rags pa'i ting nge 'dzin spangs pas/ thams cad 'od kyi dkyil 'khor du bstan pa dang / shes pa dang shes bya rtogs pas
131b2 sangs rgyas kyi dgongs pa ma 'dres par don thugs su chud par bstan pa dang / nam mkha' lta bur kun la khyab cing / re dogs dang 'khor ba'i chos med par bstan pa dang / rang gi rig pa'i byang chub kyi
131b3 sems rtogs pa'i 'bras bu dus gsum mi 'gyur bar bstan pa'o// byang chub kyi sems khyab gdal chen po la yang don drug ste/ gsang ba mchog gi dkyil 'khor gyi don rtogs pas na ra ha pa'i dbyings bgrod
131b4 par bstan pa dang / 'du 'bral med pa'i don bya rtsol las 'das par bstan pa dang / lung gi sha thang phyi nas man ngag gi thog tu 'bebs par bstan pa dang / dam tshig gi sdom pa la gnas shing sku gsung thugs
131b5 kyi 'bras bu thob par bstan pa dang / rgyal ba thams cad kyi gter byang chub kyi sems rmad du byung ba yin par bstan pa dang / rgyu 'bras kyi chos thams cad ji ltar bstan kyang sems nyid ma skyes pa las skye ba'i
131b6 cho 'phrul 'byung bar bstan pa'o// byang chub kyi sems mya ngan las 'das par bstan pa la yang don rnam pa gsum ste/ ye nas sangs rgyas te mya ngan las 'das pa'i dbyings na mi dmigs pa'i rgyal po'i phyogs
iiif viewer powered by OpenSeadragon
Texts on this page
Gpb009.009 - byang chub kyi sems rmad du byung ba