| e-texts navigator |
| བོད་ཡིག |
115b1 'phrul byin rlabs ma 'dres pa// de dag theg pa'i mtha' rnams kyang // yon tan stobs kyis rdzogs par 'gyur// ji bzhin rang gi sems gnas kyang // sangs rgyas snying po gzhi 'gyur zhing // de dag ma
115b2 'gags rgya mtsho'i chos// de las de byung de nyid pas// sangs rgyas theg pa bsam 'das shing // don kun gsang ba rmad du byung // ji srid rtog pa'i rgyun 'brang ba// de mtha' bdud kyi gnas chen de// kun tu
115b3 rtsol bas 'jog pa yi// chos kun 'ching ba chen po'i gnas// de dag rnam par rtsol byed pas// de yi rgyu mthun rkyen mi 'gyur// rang bzhin ngang gis ma bcos pa'i// mchog tu bsngags pa'i bde ba che// kun tu
115b4 gsang ba ston pa'i rgyud// chos rnams rang bzhin snang bas gnas// de yi byin rlabs mthu ldan pas// brda' tshig yul kun 'gag med cing // phyag rgya'i gsang ba kun ston pa// gdag pa'i sgra las 'das
115b5 pa'o// bsam bral ngo bo rtogs dga' ba// de dag phyag rgya chen po'i sku// don kun ye shes rnam par spyod// tha snyad gang gis gang la 'jug/ de dag brjod pa'i rtogs pa dag/ gnas kun dngos por mtshon byed
115b6 pa// rab tu grol ba'i don rdzogs pa'o// rnal 'byor chen po ye shes nyid// bye brag rnam par dbye ba'i dngos// sdug bsngal chos nyid longs spyod rgyan// 'gro ba'i gnas kun rnam par dag/ byang chub sems
iiif viewer powered by OpenSeadragon
Texts on this page
Gpb009.008 - rdzogs pa chen po chos nyid byang chub kyi sems / rin chen bkod pa rnam par dbye ba'i rgyud