| e-texts navigator |
| བོད་ཡིག |
109a1 rab thabs la brten pas 'grub// ming tsam gzhan la brten 'dra yang // mngon sum bde ba rang las 'byung // cho 'phrul chen po dka' ba min// yon tan kun gyis stobs kyi rnams// ji bzhin
109a2 rtogs pa'i phra ba las// de ma thag tu 'byung bar 'gyur// snang ba med pa'i chos nyid ni// ma btsal bzhag pas bsgom pa yin// de dang der ni rnam btsal na// de las de bzhin de mi 'byung // mchog tu gsang
109a3 ba'i chos 'di ni// rna dbang gzhan nas thos mi 'gyur// de bzhin lce yi dbang pos kyang // de la brjod du rdul tsam med// 'gro ba sdug bsngal byang chub sems// kun tu chub pas rnam par rol// de la bskyod
109a4 pa med bzhin du// nam mkha'i mtha' ltar rnam par gnas// khyad par cir yang mtshungs pa la// las so zhes ni rnam par brtags// cis te las kyi dbang btsan na// rang byung ye shes yod ma yin// rgyu nyid rdo/
109a5 rje rkyen dang bral// ma skyes pas na 'jig pa med// gdod nas snying po byang chub la// btsal ba'i bsam pas dbyings mi bskyod// yon tan chen pos bsam gtan na// bsam gtan nyid las bsam du
109a6 med// ma bsams ma sbyangs chos bzhin du// rnam rtog nyid las ye shes skye// phra ba'i sgo mor ming btags nas// sems kyis dben pa'i lam 'tshol zhing // dgon pa'i rgyud du dben 'dzin pas// brtags na/
iiif viewer powered by OpenSeadragon
Texts on this page
Gpb009.008 - rdzogs pa chen po chos nyid byang chub kyi sems / rin chen bkod pa rnam par dbye ba'i rgyud