| e-texts navigator |
| བོད་ཡིག |
102b1 bzo mi 'chos/ rtsal snang glo bur gyi dri ma mtha' dag kyang rang rig ye stong 'pho 'gyur med pa'i klong du chu dang rlab bzhin spang gnyen du ma grub par rang sangs/ rang dngas/ rang grol du 'gyur ba tsam las//
102b2 gzhan du mi btsal/ ched du mi bsgom/ gcig tu mi gnas/ blos mi gzhag/ rnam par mi rtog/ skyon du mi 'dzin/ phyir mi bsal/ nang du mi bsgrub par rang bab rang lugs su 'jog pa tsam la bsgom pa mnyam
102b3 gzhag gi tha snyad btags pa ste/ de nyid kyi phyir ngo bo bsam brjod dang bral bas stong pa nyid/ rnam par rtog pa dang bral bas mtshan ma med pa/ blang dor re dogs dang bral bas smon pa med pa/ dus gsum du
102b4 dmigs pa mi 'jug pa'i phyir 'khor gsum yongs su chad pa'i mtshan nyid du rang bzhin gyis gnas pa yin te/ byang chub sems dpa'i sde snod las/ de la 'khor gsum yongs su chad pa gang zhe na/ gang 'das
102b5 pa la sems mi 'jug pa dang / ma 'ongs pa la rnam par shes pa rjes su mi 'jug pa dang / da ltar byung ba la yid la byed pa mi 'jug pa ste/ de sems dang / yid dang / rnam par shes pa la mi gnas pas 'das
102b6 pa la mi rtog/ ma 'ongs pa la rlom sems su mi byed/ da ltar byung ba la spros par mi byed/ 'di ni dus gsum mnyam pa nyid 'khor gsum yongs su dag pa yin na sems can rnams kyis khong du ma chud pas de
iiif viewer powered by OpenSeadragon
Texts on this page
Gpb009.007 - rdzogs pa chen po dpal gyi dpal chos chen po rmad du byung ba