| e-texts navigator |
| བོད་ཡིག |
8b1 rdzogs pa chen po de bstan pa'i tshig gsungs so// kye sems dpa' rdo rje tshig 'di nyon// kun byed rgyal po nga yis ni// nga yi chos rnams dang por bkod// nga yi chos rnams mngon du phyung // nga yi ngo bo khyod la
8b2 bstan// nga yi rang bzhin bstan nas ni// tshig dang sgras kyang don mtshon nas// ngo bo bstan pas khyod kyis mthong // rang bzhin bstan pas a de rig/ tshig tu brjod pas don sgrar thos// zhes gsungs
8b3 nas// cang mi gsung bar chos thams cad kyi ngo bor bzhugs so// sems dpa' rdo rje 'khor gyi nang nas langs nas byang chub kyi sems kun byed rgyal po'i zhal du mdangs phyung ste 'khod pas kun byed rgyal
8b4 pos/ kye sems dpa' chen po khyod nga la mdangs kyis 'khod pa de khyod kyis don ci 'dod pa gsol cig/ ces gsungs so// de nas sems dpa' rdo rje zhus pa// kye ston pa'i ston pa kun byed rgyal po
8b5 lags// chos rnams thams cad khyod kyi rang bzhin na/ khyod kyi ston pa bstan pa 'khor bkod ci zhig lags// phun sum tshogs pa'i dgos pa ci zhig lags// zhes zhus so// de nas byang chub kyi sems kun
8b6 byed rgyal pos 'di skad ces gsungs so// kye sems dpa' chen po nyon cig/ chos rnams phun sum tshogs par bkod pa ni// nga nyid phun sum tshogs pa'i rang bzhin te// nga yi rang bzhin khyod la bstan par
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po