| e-texts navigator |
| བོད་ཡིག |
77b1 cad la// bzang ngan blang dor ye nas med pa'i phyir// dbye ba med pa'i sa zhes nga yis bshad// des na byang chub sems kyi chos dbyings la// dus gsum sangs rgyas khams gsum sems can kun// de nas
77b2 'byung zhing de ru gnas pa'i phyir// chos dbyings byang chub sems ni kun spyod sa// zhes gsungs so// sangs rgyas sgrub pa'i sa zhes btags pa de// byang chub sems kyi rang bzhin de las ni// gong bshad bzhin
77b3 du byang chub sems la gnas// zhes sbrang du med pa'i sa bstan to// byang chub kyi sems kun byed rgyal po las rdzogs pa chen po'i sa la sbrang du med pa'i le'u ste zhe dgu pa'o// // de nas byang chub sems
77b4 kun byed rgyal po des byang chub kyi sems rang byung ba'i ye shes la sgrib pa med pa 'di gsungs so// kye sems dpa' chen po nyon cig/ ye shes ye shes zhes bya ba// ye shes ye nas shes pa yin// rang byung ye
77b5 shes ye nas shes// yul la rtog pa'i ye shes de// yul las byung bas rang byung min// yul med tsam na gsal mi byed// des na rang byung ye shes de// ye nas shes pa'i ye shes yin// ye shes zhes ni de la
77b6 bya// 'khor gyi ston pa'i ye shes ni// yul la brtags pa'i ye shes de// gang su yul la rtog byed pa// de ni rig byed ye shes yin// rig par bya ba'i yul de ni// byang chub sems las byung ba'i phyir// de ni
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po