| e-texts navigator |
| བོད་ཡིག |
70a1 mdza bo kun gyis mthong bya'i phyir// sna tshogs dbang za ngo la bstan pa yin// de la nga yi rang bzhin kun rtogs shig/ de la nga yi rang bzhin ma mthong na// kun byed pa yi theg pa bstan pa
70a2 bya// rdzogs pa chen po'i don dang skal med pas// rgyu 'bras theg pa drang ba'i lung la gzud// nga ni ye nas spyod yul 'das pa 'di// rgyu 'bras dga' ba'i skal ba med rnams la// bstan na sgro dang skur ba 'ong
70a3 ba'i phyir// bstan na rang gi sems la skur btab pas// drug tu skye zhing gtan du 'khor bar 'khyam// kye sems dpa' chen po nga don rtogs// de ni spyod yul kun las 'das pa'i phyir// tshig gis mi phebs
70a4 dbang po'i spyod yul 'das// nga yi rang bzhin bsdus te thig ler gnas// ma spros gnyis med ye nas gcig tu bstan// dam tshig bsrung ba'i bsgom pa bya mi dgos// phrin las btsal ba'i bsgom pa bya mi
70a5 dgos// lam la mi bgrod sa la mi sbyong ste// rang las gzhan du chos nyid tshol mi byed// rang 'byung ye shes mi rtog g.yos pa med// gzhan gyis lung min kun byed nga yi lung // rgyu 'bras 'das pas rtsol dang
70a6 sgrub mi byed// ma byung bas na dngos po sgom mi byed// ma skyes pas na 'jig pa'i dogs pa med// nga mi snang bas dmigs pa bsgom dang bral// bde chen bdal ba'i klong dkyil na// mi rtog mnyam pa'i rang
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po