| e-texts navigator |
| བོད་ཡིག |
68b1 la// skal med rnams kyi spyod yul ma yin pas// rgyu dang 'bras bu'i chos la spyad par bya// zhes gsungs so// byang chub kyi sems kun byed rgyal po las rdzogs chen skal med don med kyi le'u ste zhe bzhi
68b2 pa'o// // de nas byang chub kyi sems kun byed rgyal pos rdzogs pa chen po la lta ba bsgom med kyi mdo lung 'di bstan to// kye sems dpa' chen po// rang gi lta ba bsgom med ni// kun byed nga yin pa
68b3 la bsgom du med// kun byed nga ni bsgom pa'i yul ma yin// nga ni ma bcos kun la rang bzhin gnas// rang bzhin gnas pa'i bsgom du med pa de// nga las byung ba'i ston pa sku gsum gyis// nga las mngon du
68b4 phyung ba'i chos nyid la// brkam chags lnga yi sdug bsngal yin zer nas// ma bcos mi 'jog brtul zhugs spong 'gegs bsgom// de lung bstan pas ma bcos don dang 'gal// mu stegs sde bzhi sprul
68b5 pa'i thugs rje yis// byin brlabs 'khor du bkod nas lung bstan pas// bya bral bde ba de nyid thob mi 'gyur// kye sems dpa' chen po// nga las mngon du phyung ba'i chos nyid la// brkam chags lnga yis sdug
68b6 bsngal skye zer nas// dang po sa nas bcu par sems dpa' la// bden pa rnam pa gnyis kyi rtog dpyod kyis// don dam med la kun rdzob yod pa ru// sprul pas lung bstan rtog dpyod sgom pa byed// ma bcos
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po