| e-texts navigator |
| བོད་ཡིག |
68a1 'dus pa'i snying po des// ma bltas dus gsum sangs rgyas thugs kyang gsal// ma bsgribs sems can kun gyi sems kyang snang // kye sems dpa' chen po nyon cig/ kun byed nga yis sems
68a2 can don byas zin// nga yis don byas gzhan gyis bya mi dgos// gzhan la ltos pa'i chos ni nga lung min// nga la kun rdzogs ye nas byas zin rdzogs// ye nas byas zin lta ba bsgom mi dgos// ye nas rnam
68a3 dag dam tshig srung mi dgos// ye nas byang chub sa la kun gnas pas// rig 'dzin sa dang sa bcu sbyang mi dgos// ma btsal ye nas lhun gyis grub pa'i phyir// btsal ba'i phrin las ye nas bya mi dgos// rang
68a4 'byung ye shes yul la mi rtog pas// rig pa'i ye shes yul gyis bsal mi dgos// bde chen chos sku sems kyis gcig pa'i phyir// snga phyi dus gsum med de khyad par gcig/ phun sum tshogs dang dus gnas
68a5 kun gcig dang // thams cad gcig phyir nga la kun rdzogs te// rdzogs pa chen po nga la kun rdzogs pas// lta spyod phrin las dam tshig sa lam ni// gong bshad bzhin du btsal zhing bsgrub mi dgos// de ltar ma
68a6 rig rtsol sgrub byas 'gyur na// rgyu 'bras 'das pa'i don dang 'gal 'gyur nas// bya med bde chen de dang mi phrad de// rtsol sgrub nad kyis ma rig de zin 'gyur// de bas rgyu 'bras 'das pa'i rdzogs chen
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po