| e-texts navigator |
| བོད་ཡིག |
65a1 gsungs so// kye sems dpa' chen po nyon cig/ kye chos kyi sgra ni byang chub sems// byang chub sems las chos kyi sku// rdul tsam sus kyang bcos pa med// des na sangs rgyas sems las
65a2 med// longs spyod rdzogs sku byang chub sems// byang chub sems la longs spyod sku// sems las byung ba'i gzugs rnams las// longs spyod rdzogs las sku gzhan med// sprul pa'i sku ni byang chub sems// byang
65a3 chub sems kyi sprul pa las// 'gro ba'i don mdzad gzhan na med// dus gsum sangs rgyas thams cad kyang // byang chub sems las gzhan med de// snga rabs 'das pa'i sangs rgyas rnams// rang sems ma
65a4 bcos sngar mthong rtogs// da ltar bzhugs pa'i sangs rgyas rnams// ma bcos pa yi rang sems des// ma bcos ji bzhin rtogs gyur nas// da ltar 'gro ba'i don yang mdzad// slad nas byon pa'i sangs rgyas
65a5 rnams/ rang byung sems nyid 'di la ni// snga bar 'chos par lung ma bstan// da ltar ting 'dzin sems mi 'chos// ma bcos lam du zhugs nas byon// ji ltar snang ba'i chos rnams la// byang chub sems su ma
65a6 rtogs te// bcos shing bsgrubs pas 'grub mi 'gyur// ma rtogs bcos pas grub par byed// bskal pa du ma'i grangs bgrangs kyang // mi rtsol bde ba phrad mi 'gyur// kye sku gsum sems las ma bcos
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po