| e-texts navigator |
| བོད་ཡིག |
62b1 pa bkod// byang chub sems ni bgrod pa'i gnas// sems kyi sa la bgrod med pas// lam la bgrod du med par bstan// chos nyid byang chub sems yin pas// chos nyid gzhan du lta mi byed// ye shes rang
62b2 'byung ye shes te// yul la rtog pa'i ye shes min// kun byed byang chub sems nga ni// lta spyod kun las rgyal ba dang // byed pa'i snying po yin pa'i phyir// rgyal ba'i snying po zhes su bshad// ces gsungs
62b3 so// byang chub kyi sems kun byed rgyal po las rgyal ba'i snying po'i le'u ste sum cu rtsa dgu pa'o// // de nas byang chub kyi sems kun byed rgyal po des byang chub kyi sems nyid kyi rang bzhin bstan pa
62b4 'di gsungs so// kye sems dpa' chen po nyon cig/ bdag gi bstan pa 'di bkod pas// dus gsum sangs rgyas thams cad dang // rig 'dzin byang chub sems dpa' dang / khams gsum sems can thams
62b5 cad kun// rtsol dang sgrub pa ma byas par// ye nas sangs rgyas lung bstan pas// 'khor gyi ston pa rnam gsum gyi// rtsol sgrub byed pa'i brtan pa gsum// gol sa sgrib pas zhig par 'gyur// zhes gsungs
62b6 so// de nas sems dpa' rdo rjes slar zhus pa// kye ston pa kun byed rgyal po lags/ khyod kyi bstan pa byang chub sems// byang chub sems 'di sangs rgyas na/ khams gsum sems can sangs rgyas sam//
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po