| e-texts navigator |
| བོད་ཡིག |
53a1 can sems kyis sgra don de rig byed// de rigs kun byed shin tu rtogs dka' rig/ kun byed nyid las gzhan zhes bstan pa med// ces gsungs so// de nas kun byed rgyal pos rig pa'i rgyal
53a2 po la slar gsungs pa// nga yi rang bzhin rtogs dka' 'di rig na// chos kyi mdo rtsa yan lag kun rig gis// rig pa'i rgyal po zhes su mtshan yang btags// kye byed pa'i rgyal po kun byed byang chub sems//
53a3 khyod kyi rang bzhin 'di ltar chos nyid 'di// sems dang ye shes chos nyid rig pa ste// de yi rang bzhin bdag gis 'di ltar mthong // sems nyid spros bral sgra ni chos nyid sgra// sems nyid ma bsgribs sgra ni
53a4 nam mkha'i khams// sems nyid ngo bo snying po 'byung ba'i sgra// rig pa so sor rtog pa sems can sems// sems kyi rang bzhin las ni gzhan med de// kun byed rgyal po sems las gzhan med do// ces
53a5 gsungs so// kye sems dpa' chen po// nga yi rang bzhin de rig na// kun byed nga yi rang bzhin rig pa yin// nga rig gcig rig kun rig thams cad rig/ sems dpa' chen po rdo rje khyod la ni// rig pa'i
53a6 rgyal po zhes su ming btags so// kye rig pa'i rgyal pos de ltar rig gyur na// nga las byung ba'i ston pa sku gsum gyis// bstan pa'i theg pa rnam pa gsum byung nas// rgyu las 'bras bu 'dod pa gsum gyis
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po