e-texts navigator
Collection
Volume
Page
བོད་ཡིག

45b1 pa'i spyod yul la// sangs rgyas dang ni sems can gnyis su med// lam dang gnyen pos bcos su ga la yod// bsgrub med rtsal sbugs smon pa med pas na// bya med lhun rdzogs snga ma de nyid don// rtog spyod
45b2 rnam dag gnyis med chos dbyings la// log rtog byis pa'i spyod pas ci zhig bslus// gnyis med bde chen sems can kun spyod la// 'khrul pas nor ba'i lam du brtags pa yang // gong du bstan pa'i lam
45b3 chen de la mi gnyis pas// mnyam par shes pas sangs rgyas kun gyi rje// nga dang bdag tu rtog pa mu stegs 'khrul pa'i lam// byis pas bslus pas chos spyod rtog pa'i lam la btsud pa ni// phyin pa'i dus med
45b4 rtogs pa'i dus med pas// chos nyid chos tshol rnyed par ga la 'gyur// tshad mar ma gyur slob dpon smre 'dra'i lung // bstan dang lam nor rtog pas zin ta re// de bas gser la nag tshur gtong ba yi// slob
45b5 dpon yang dag ston pa'i rin chen mdzod// rin zang dpag tu med pas blu bar 'os// zhes gsungs so// byang chub kyi sems kun byed rgyal po las bya med rdzogs pa rnam dag dbyings kyi lung bstan pa'i le'u ste
45b6 rtsa bdun pa'o// // de nas byang chub kyi sems kun byed rgyal pos nyid kyi rang bzhin 'gyur med 'di gsungs so// kye sems dpa' chen po nyon cig/ nga yi rang bzhin dbyings la 'gyur ba med//



iiif viewer powered by OpenSeadragon

45a - 46a

Texts on this page

Gpb008.001 - chos thams cad rdzogs pa chen po byang chub kyi sems kun byed rgyal po