| e-texts navigator |
| བོད་ཡིག |
41b1 cing bsdu ba med// stor bar mi dogs bza' ba med// rgya mtsho bzhin du ye gnas la// chos rnams sna tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang
41b2 chub snying por de ma zag/ ting 'dzin rgyal po chen po 'byung // snang ba rgya mtsho chen po bzhin// mi rtog nam mkha'i mtha' ltar yangs// kun tu bzang po'i spyod yul la// skye zhing 'pho ba'i chos med de// rgyu rkyen
41b3 yan lag bcu gnyis po// skur pas brtags pas bshad pa yin// 'khrul pa rnams kyi sgo tsam du// mkhas pas de bzhin shes par gyis// 'gro ba rgyud drug snang ba yang // dang po'i lam du shes par
41b4 bya// 'dod spyod snying rjes brlan pas na// gang du dga' bar byang chub spyod// shan pa smad 'tshong mtshams med lnga// kha na ma tho 'jig rten spong // yongs su rdzogs pa chos kyi rtsis// bde ba che las gzhan med
41b5 do// yang chos thams cad de bas na// chos kyi rang bzhin de yin pas// chos kyis chos nyid btsal ba dang // nam mkhas nam mkha' btsal ba dang // gzhan la ltos pa'i chos nyid ni// me yis me gsod pa 'dra
41b6 ste// shin tu dka' ba'i las byed pa'o// rnam par mi rtog snying po 'di// yongs kyi rgyud la sbas pa med// mi len byang chub spyod rnams la// rnam pa kun tu rang bzhin gnas// zhes gsungs so// bya med rdzogs
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po