| e-texts navigator |
| བོད་ཡིག |
370b1 dag la// gser srang gcig gi rtsi btang bas// thams cad gser du 'gyur ba bzhin// chos rnams kun gyi ngo bo la// byang chub sems kyi rtsi btang bas// rang byung ye shes chen po'am// chos nyid min pa gang
370b2 yang med// dper na rin chen gser gling na// thams cad gser las med pa'i phyir// sa rdo btsal kyang mi rnyed 'gyur// de bzhin rdzogs chen rnal 'byor pas// snang srid sems su thag chod na// byang chub
370b3 sems las ma gtogs pa'i// chos rnams gzhan nas 'tshol ba ni// rgyal bas btsal yang mi rnyed do// rgyu 'bras snang stong la sogs pa// gcig la gcig gis rgya yis gdab// byang chub sems kyi don rtogs
370b4 na// sangs rgyas sems can gnyis med mnyam// bde dang sdug bsngal gnyis med mnyam// bzang ngan che chung gnyis med mnyam// skyon dang yon tan gnyis med mnyam// chos dang chos nyid gnyis med
370b5 mnyam// don dam kun rdzob gnyis med mnyam// phyi nang yul sems gnyis med mnyam// mnyam pas rim par bkod pa med// ji ltar snang ba'i chos rnams kun// byang chub sems su gsal thebs na// rang
370b6 rgyud 'dzin pa'i zhen pa ldog/ chos rnams kun gyi ngo bo la// tshad gsum gtan la phebs pa na// gdeng dang yid ches de la skye// de ni mi 'gyur brtan pa'i gzer/ zhes gsungs so// bang mdzod 'phrul gyi me
iiif viewer powered by OpenSeadragon
Texts on this page
Gpb008.018 - bang mdzod 'phrul gyi me long