| e-texts navigator |
| བོད་ཡིག |
36b1 dang // blta ba'i yul ni ci dmigs kyang // ji bzhin pa la g.yos pa med// bya ba'i las kyis grub pa med// bsam pa'i ting 'dzin yal bar 'gyur// 'phro ba'i 'od zer zhi 'gyur na// blta yul gang yang
36b2 mthong ba med// des na btsal ba'i las ma byed// kye sems dpa' chen po// yul las btsal bas grub pa'i lung de ni// rgyu dang 'bras bu'i theg can ston par byed// rgyu dang 'bras bu'i theg can chos nyid
36b3 ni// chos dang chos nyid rnam pa gnyis phye nas// chos kyis chos nyid tshol ba rnyed lung med// ces gsungs so// byang chub kyi sems kun byed rgyal po las btsal bas mi 'grub pa'i le'u ste bcwa brgyad
36b4 pa'o// // de nas byang chub kyi sems kun byed rgyal po des ma btsal bas grub pa'i le'u 'di gsungs so// kye sems dpa' chen po nyon cig/ nga las byung ba'i ston pa sku gsum gyis// bstan
36b5 pa'i theg pa rnam gsum bstan pa ni// ston pa gsum gyis mi stsol lung ma bstan// kun byed nga yis theg gcig bstan pa ni// btsal bas grub pa'i lung du ngas ma bstan// kye sems dpa' chen po nyon
36b6 cig/ kun byed byang chub nga yi rang bzhin las// ma btsal rang bzhin lhun gyis grub pa ni// rgyal ba kun gyi snying po sku gsum ste// nga yi rang bzhin ma bcos chos skur grub// nga yi ngo bo ma bcos longs spyod
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po