| e-texts navigator |
| བོད་ཡིག |
344b1 rtog mnyam pa'i ngo bor bzhugs// longs spyod rdzogs skur bzhugs tsam na// sna tshogs chos la longs spyod cing // ma spangs ye shes rgyan du bzhugs// sprul pa'i sku ru bzhugs tsam na// gang la gang dgos
344b2 der sprul nas// dgongs pa phun sum tshogs par bzhugs// zhes gsungs so// bang mdzod 'phrul gyi lde'u mig las/ phyag rgya bzhugs tshul gyi le'u ste nga gsum pa'o// // yang gsol pa/ kye kye gsang ba'i
344b3 bdag po lags// chos skus khyab pa'i khyab tshul gyi// khyad par bye brag ci ltar lags// gsang ba'i bdag pos bstan du gsol// gsungs pa/ sems dpa' chen po nyon cig/ chos sku thig le nyag gcig
344b4 gis// ya tha rgyal ba'i dkyil 'khor nas// mnar med dmyal ba yan chad du// til la mar gyis khyab pa bzhin// kun la khyab par gnas mod kyang // mi mthun khyad par shin tu che// sangs rgyas dbus na
344b5 bzhugs tsam na// dri med chos kyi sku ru bzhugs// ming yang kun gzhi byang chub sems// rnam dag de bzhin gshegs pa la// kun gzhi ming yang mi grags so// 'gro drug dbus na bzhugs tsam na// drir bcas
344b6 chos kyi sku ru bzhugs// ming yang kun gzhi byang chub sems// yod kyang rang gi ngo ma shes// dbul mo'i nor dang gyad nor 'dra// zhes gsungs so// bang mdzod 'phrul gyi lde'u mig las/ chos sku'i khyab tshul
iiif viewer powered by OpenSeadragon
Texts on this page
Gpb008.016 - byang chub sems kyi man ngag rin po che'i phreng ba bang mdzod 'phrul gyi lde mig