| e-texts navigator |
| བོད་ཡིག |
33b1 dang longs spyod rdzogs sku dang // sprul pa'i sku dang ston pa rnam pa gsum// theg gcig theg gnyis theg pa rnam gsum gyi// ston pa kun byed rgyal po nga yis phyung // nga ni ston pa kun gyi 'byung gnas yin// nga yi
33b2 rang bzhin rnam pa gsum las phyung // spros bral skye med dga' ba'i 'khor rnams la// nga yi rang bzhin gzung 'dzin bral ba las// mi rtog mnyam pa nyid kyi chos sku byung // chos sku'i 'khor ni phye ba med pa
33b3 ste// ma skyes mnyam pa nyid kyi don bstan pa// de ni lhag ma med pa'i theg par bshad// nga yi rang bzhin kun du snang ba la// 'dod spyod dag pa'i 'khor gyi tshogs rnams la// nga yi ngo bo longs spyod rdzogs par
33b4 phyung // ngo bo de la lta spyod rdzogs byed ston// de ni thun mong min pa'i theg pa ste// nga yi rol pa'i ngo bo phyung ba yin// nga yi rang bzhin thugs rjer 'byung ba las// ji ltar 'dul bar sprul nas don mdzad
33b5 pa'i// sprul pa'i sku dang 'khor tshogs rnam bzhi la// rgyu 'bras 'tsham pa'i thugs rje phyung ba yin// kye sems dpa' chen po// mdor na mngon du phyung ba'i lung zhes pa// nga yi rang bzhin 'di ltar bstan pa
33b6 la// mngon du phyung ba'i lung zhes bstan pa yin// kun byed nga yi rang bzhin gcig pu la// snang ba'i yul ni rnam pa gsum snang la// de las byung ba'i chos ni 'di lta ste// sangs rgyas sems can snang srid snod
iiif viewer powered by OpenSeadragon
Texts on this page
Gpb008.001 - chos thams cad rdzogs pa chen po byang chub kyi sems kun byed rgyal po